අතරමග නැතිව කතරගම යන්න නව තාක්ෂණයක්
| අතරමග නැතිව කතරගම යන්න නව තාක්ෂණයක් |  |  |  |
 පෘතුවියට ඉහළින් තිබෙන චන්ද්රිකාවක සංඥා භාවිතා කරමින් තමා සිටින ස්ථානය නිවැරදිව දැනගැනීමටත් ඒ අනුව තීරණ ගැනීමටත් හැකියාව ලැබෙන නවතම තාක්ෂණය මුල්වරට ලංකාවට හඳුන්වාදෙයි. මේ අනුව, සීමාසහිත සාලා ජියෝ ඉන්ෆොමේෂන් සිස්ටම්ස් නම් සමාගම විසින් “සාලා ප්රෝ සැට්” නමින් මෙම තාක්ෂණය ලංකාවේ පාරිභෝගිකයින් වෙත එළිදක්වා තිබෙන අතර මෙම උපකරණය භාවිතා කිරීම මගින් ලංකාවේ ඕනෑම ප්රදේශයකදී තමා සිටින ස්ථානයත්, ඉන්ධන පිරවුම් හල්, ATM යන්ත්ර, බැංකු, රෝහල්, හෝටල්, උද්යාන, පොලිස් ස්ථාන ඇතුළු 100,000 කට වැඩි මංසලකුණුත් ගැන නිවැරදි තොරතුරු ලබාදෙන බව එම සමාගම කියයි. මෙම උපකරණය තමන්ගේ වාහනයේ සවිකර ගන්නේ නම් කිසිදු පුද්ගලයෙකුගෙන් තොරතුරු විමසන්නේ නොමැතිව තමන්ට අවශ්ය තැන්වලට ගමන් කළ හැකි බවත් උපකරණය විසින් මංමාවත් සහ තමන්ට අවශ්ය ස්ථාන ඒවාට ඇති දුර නිවැරදි ලෙස පවසන බවත් සමාගම සඳහන් කරයි. මේ නිසා, යම් මාර්ගයක තදබදයක් තිබෙනවා නම් එය කල්තියා දැනගැනීමේ හැකියාව කුඩා රූපවාහිනී තිරයක් වැනි තිරයක් සහිත මෙම උපකරණයට ලැබෙන චන්ද්රිකා සංඥා මගින් හැකිය. “සාලා ප්රෝ සැට්” යනු, නවතම GPS ගවේෂණ පද්ධතියක් බවත් මෙය ඇමරිකානු අභ්යවකාශ තාක්ෂණය පදනම් වූ රේඩියෝ තොරතුරු ගවේෂණ පද්ධතියක් බවත් සාලා GIS සමාගමේ, කළමනාකරණ අධ්යක්ෂ, චින්තක විජේවික්රම පැවසීය. ශ්රී ලංකාවේ ඕනෑම ලිපිනයක් තනිව සොයා ගනිමින් කෙටිම කාලයකින් එම ස්ථානයට ළඟාවීමට අවශ්ය තොරතුරු මෙම GPS ගවේෂණ පද්ධතියෙන් ලබාදෙන බව හෙතෙම කීය. අඟල් 3.5 ක් වන “සාලා ප්රෝ සැට්” උපකරණයක් රුපියල් 35,000 කටත්, අඟල් 4.3 ක් වන එවැනි උපකරණයක් රුපියල් 42,000 කටත්, අඟල් 05 ක් වන උපකරණයක් රුපියල් 49,000 කටත් සිය සමාගම අළෙවි කරන බව, චින්තක විජේවික්රම මහතා කීය. |
හම්බන්තොට සහ යාපනයේ ඉන්දියානු නියෝජ්ය මහ කොමසාරිස් කාර්යාල දෙකක් පිහිටවිය යුතු බවට ශ්රී ලංකා රජයට බල කිරීමට ඉන්දියාව සූදානමින් සිටින බව ඉන්දීය මාධ්ය වාර්තා සදහන් කරයි. ඉන්දීය විදේශ කටයුතු අමාත්යංශය පවසන්නේ මේ සම්බන්ධයෙන් නිල සාකච්ඡා ශ්රී ලංකා ජනාධිපතිවරයාගේ ඉන්දීය සංචාරය තුළ සිදු කිරීමට සියලු කටයුත සූදානම්කර ඇති බවයි.
